首先呢,呢個帖係for d新玩冇幾耐既人用,已經知道既人睇完就算
一開始先講配點
目前主流2種點法
1.1體2力1速
呢種點法重反擊同行動速度(俊敏agi)
但係俊敏既影響其實唔算大,原因在於官方話俊敏只影響紅條,而大部份物理技能既紅條時間都非常短,而且根據神人考證,俊敏影響係有臨界點,者係所謂既240理論,只不過今次唔係240咁解,例如單法係俊敏100既時候就已經到最快紅條速度
雖然官方既說法,俊敏只會影響紅條速度,黃條係受動作影響,但係有次我同一個傳教組隊,我隻龜技能lv4,佢6,但係反而係我隻龜放得快d,而一問之下佢俊敏係5,我隻龜係24,但係我俊龜明顯比佢快,所以俊敏同黃條既關係還有待研究
至於反擊,呢集有個好處係防左同閃左都可以反擊,但反擊其實係一面雙面刃,可以比你打多下固然好,但唔少後期玩家(日服),都話後期d王反擊率好高,玩連擊果d技就容易發生我反你你反我既情況,等同同王1p1互毆,最後死於非命
而且速雖然有加命中,但係全點速既話就會令到命中偏低,騎士既專職技吹飛攻擊既命中都算頗低,打怪練攻隨時5下miss4下
所以不太建議全速點法
2.1體2力1靈
而呢種點法就係重命中同暴擊
先講命中,命中既重要性要唔駛點講,而家只能驚會唔會有臨界值
而暴擊都只係高少少,冇咩大影響
其他例如魔量點靈會高好多,但係練攻既話都係食料理,實際上只有頭個d魔有些微優勢,練功時間愈長優勢愈唔明顯
其他對近戰比較好既都係速佔優
所以都唔建議全點靈
所以結論就係要混點
以前魔力1有一樣特別既野就係配點除左加亦都有減,所以純人會有好大優勢,但而家魔力2所有配點都有加冇減,混點會比純人有利
先對照下表
魔力 攻擊 防禦 魔攻 俊敏 回覆 命中 暴擊 反擊
靈 3 0.2 0.2 0.4 1.6 0 1.5 2 0.9
速 0.6 0.4 0.8 0.2 2 0.2 0.6 1.4 2
可以睇得出論攻同反擊,速係靈既2倍,防更加係4倍,所以速係配點上面應該佔重d既比例
但係靈命中係速既3倍左右,而且靈有加魔方便初期練技,所以先點靈撐起命中絕對有利冇害,尤其反擊同俊敏既數值初期差唔遠,點靈會有利d
所以結論就係一開始配點先以5體15力10靈開始,點靈點到20左右就可以開始點速,咁樣去到2~30lv,能力唔會差純速好多,但係命中就多唔少
講完配點就講裝備
防具冇咩好講,將你既防撐到最高就好
武器就有分單手同雙手,係攻擊同命中上,雙手比較高,單手就反擊比較高同可以裝盾
我既建議係2樣都要,今集既裝備可以著3套,武器帶係身上唔駛位唔會爆,多一種選擇總比單一既好,反正2樣都唔需要學技又盛先用得,經濟不算差絕對建議2樣都買,而真係只要一樣既話,冇命中就要雙手,想甲高d反勁d就單手
同埋呢,想打怪痛就一定要入屬,入屬搵整武器防具個d人,邊樣裝都入得,入既碎片數=r*10,例如我想要r1甲全風,就入10個風,想混屬既,就入5火5風,當然如果你想換屬既,可以試下一頭入5火,1甲入5風,然後又準備一甲入5水,咁樣你透過換甲就可以有水火or火風,以配合你唔同既需要,一般黎講,準備4件裝(ex:2頭2甲),4個入唔同屬就可以透過換裝出哂所有屬
而講到技能呢,必學乾初,因為騎士3個專業技,飛龍擊、吹飛攻擊、護衛,飛龍擊要6lv乾初先學得,吹飛要6lv飛龍,所以乾初係一定要既,專職技都係必學,吹飛同飛龍都係pk向,而練攻既話都係要諸呀乾呀果d先唔會比人罵冇貢獻
而呢度就有個分支,今集乾同諸都好似係扣%再由扣既數量去計傷,簡單d黎講者係你命中愈高,乾愈痛,防愈高,諸愈痛,你可以2樣都學,而玩開盾既可以專諸,玩開雙手就乾,而崩擊今集傷害大減,除左某d怪喜歡防同pk外,基本上冇咩用,可以唔學(如果有打某d王,王既崩擊極傷害係超高,但係雙戒都只係低唔算大既攻,呢集崩睇黎除左可以傷防既人外,傷冇比其他技能特別多)
最後2招被動技都學哂佢好,因為可以靠換武器令2招都有用外,今集15個技能格其實好夠用,再者被動技非常之難升,到遲d先想玩果陣再學就會好難升
講完基本配置就開始戰鬥同賺錢心得
首先係今集既戰鬥系統係以半即時計算
黃條既攻速為(愈大愈快)
空手>劍>槍>斧
而紅條就岩岩相反
近戰技能黃條>魔法
近戰技能既紅條超快
所以乾果d技出完後可以即刻出多次普攻
善用呢一點可以節省打怪既速度
除此之外,今集唔出指令=防
所以可以令用時間差黎出技普攻,而防禦既有效時間應該係對面普攻點你果陣係紅條0狀態(者係防緊)就有效,但技能既話暫時都係等對面打你果陣係紅0狀態
運用時間差打多幾場就可以熟練到
而今集前面有野普攻同一般技都打唔到後排,只有魔法或者特別技先得(騎士2招專職技都得)
所以基本戰術係人係前魔寵係後或前寵後法,當然騎士大部份都係玩人前防or技後寵法
寵物方面魔寵推薦魔法壺同龜(魔法壺冇1lv,最低2lv)
紅鼠絕對唔好,太少血,比人偷襲好易死
奇怪d要攻寵就穴熊呀,遲d既話紅蠍同火焰舞者都幾好,尤其係火焰可以學吹飛飛龍,學吹飛帶佢一齊去學都幾high
而練技最好壓等,因為10lv以下有卡時,練技快d
飛龍有特別練法,由於飛龍會飛上天,果陣d怪會點唔到你,所以會自動防,咁樣怪可以頂多幾下,你就可以練耐d
而賺錢就可以靠解任同賣野,除左魔石之外,地下成日都有人丟d色素,儲齊10個,就可以換得95$大元!係地下汁到錢,你話易唔易,但係小心賺夠5000$會比人收稅,仲有平時打怪d收集物品唔好丟,可以去里堡4芒星換經,張張都多到嘔,好似枯森既10個綠花就成5000經,好搵過你打生打死打成50場
而解任就一定要解下水個任,張證1000$,每日拎1000$都唔錯,最多個身少個位 |
收藏
分享
讚
幹
分享
分享
